Сага бокъонех волча викалца цхьана дӏабахьа безача балхах дийцар Тохкама комитете
Мехкарча сага бокъонех волча викалца кхетаче дӏахьош хилар СКР Тохкама оагӏув. Цу моттига хьалха латта Асхабов Ахьмад вар кхетачен кулгал деш хиннар. Иштта тохкама оагӏонцара кхыбола болхлой а бар, цига дакъа лоацаш.
«Сага бокъонех волча викало цу моттига болхлой даькъалабийцар, дукха ха йоацаш хиннача РФ тохкама оагӏон къахьегамхой Денца.
Геттара лоархӏаме долча гӏулакхий ларах болх дӏахьош волча воккхагӏа волча тохкамхочун Бузуртанаькъан Тимура, иштта Магӏалбикерча тохкама моттига воккхагӏа волча тохкамхочун Доврбиканаькъан Ибрахӏима «Гӏалгӏай Республикерча сага бокъонаш лораярах» яха майдилгаш елар цар наьха бокъонаш, кортмукъале лораяра, шоай декхараш бехктокхаме кхоачашдара тӏехьа толамца къахьегарах», - дийцар «Сердалога» мехкарча Тохкама комитете.
Тохкамхо-криминалист волча Астахов Мухьмад-Ӏаьла юстице капитана погонаш елар Асхабов Ахьмада. Криминалистиках болча оагӏон болхло белгалвир ший декхараш тӏехдика кхоачашдеш хиларах.
Сага бокъонех волча викала, Россе СК тохкама оагӏон кулгалхочо дийцар, цхьана болх дӏахьош кхоачашде дезарех. Бахархошца кхетаченаш дӏакхахьара къаьстта терко йир цар цу дийнахьа. Наьха бокъонаш, паргӏато лораяр ишттача наькъаца дикагӏа вӏаштӏехьдаргда.
