Гӏалгӏайчен тохкама урхаллене, совгӏаташ делар дзюдо яхье котбаьннарашта
Гӏалгӏайче гӏолла йолча Россе СК урхаллене совгӏаташ луш безбир къона дзюдоисташ, цар хьехамчаш. Бераша дика толамаш даьхар Ерригроссийски яхьаш дӏахьош, 18 шу даланза болча ондаргашта юкъе. Уж яхьаш дӏахьош яр Гӏаьбартой-Балкхарой мехка, Россе Тохкама комитета бейнача болхлой дагалоаттама, иштта лаьрххӏача тӏема операце Турпалхошта хетаяь.
«Тохкама урхаллен актови зале, цу балха кулгалхочо Асхабов Ахьмада вӏашагӏкхетар хилар спортсменашца, тренерашца. Цо баркал аьлар спортсменашта, цар дика толамаш дахарах, иштта дика из яхь дӏаяхьара уж кийчо яь хиларах, цар Гӏалгӏайче лакхача боараме цига гойтарах», - аьлар «Сердало» газетага республикан Тохкама комитета зарбан болх лелабераша.
Яхьан чаккхе еш, гуш хилар республикан тоабо дика толамаш даьха хилар, цар яьккхар тайп-тайпарча дозалех коталон хьалхара ши моттиг, кхоалагӏа ялх моттиг. Цар баьккха толам тӏаэцаш, Гӏалгӏайчен тохкама Урхаллен кулгалхочо царна а иштта тренерашта а сийлен грамоташ, совгӏаташ, ахчан премеш елар.
