Соцганзе дийцар, мах боацаш СВО ветераний могашал тоаярах
Лаьрххӏача тӏема операце ветераний таро я, мах боацаш Россе Вахара ганза лаьрхӏа йолча унахцӏенон моттигашка шоай могашал тоае, лорий балхах пайда эца, яхаш, дийцар «Сердало» газетага Гӏалгӏайче гӏолла йолча СФРа даькъ тӏа.
Цига ваха ловчо, цкъа хьалхагӏа низа оагӏонцарча моттигашка амал де деза, из да бӏухо тӏем тӏара цӏавена е ха яккха вена хила везилга.
Санаторе 21 дийнахьа дарба дергда. Хӏара бӏухочун эшача дарбанга хьежжа, лораша белгалдергда цунна де деза гӏулакхаш малагӏаш да. Россе Турпалхой, иштта 1-ча тоаба заӏапхой дӏахьожабергба аргӏа хьаярга хьежа а ца безаш.
ӏаьдало шийна тӏаэц наькъа дӏадодар. СФРо хьалургда лаьрххӏа дола транспортаца ваха бокъо лу каьхат. Нагахьа сага из билет ший маьхах ийцадале, из ахча юхалургда. Шоай дарба де йиш йола ха бӏухоша шоаш белгалъергья, хӏаьта Россе Вахара ганза болхлоша унахцӏенон говзанчашца цхьана царна эшаш дола хьалаш ӏалашдергда.
Каьхаташ дӏалуш, «Госуслуги» яхача порталага гӏолла, МФЦ е моллагӏча СФР моттигерча нах тӏаэцача даькъе дӏа а ваха, дехар язде мара дезац.
