Федераце Кхеле везвир Гӏалгӏайчен къона турпал Бӏарахой Ибрахӏим
Федераце Кхело, лаьрххӏа совгӏат луш, везвеш вар 17 шу даьнна Гӏалгӏайчен вахархо, къона турпал Бӏарахой Ибрахӏим. Москве дӏахьош йолча Ерригроссийски бахархой-мехкагадоаккхарий «Бераш-турпалхой» яхача проекта чудоагӏаш, чоалханеча хьалашка турпалал гойта бераш дездеча Хӏӏӏ-ча кхетачене керттерча доакъашхоех цаӏ хилар республикан къона вахархо.
2025 шера кӏимарса бетта сувсаш доагӏача Эса хи тӏа, ше цхьа тамашийна ца леш а вусаш, нийсделар цун из хьал. Цхьа кхалсаг хий эца лаьрхӏа хи чу яьнна, цӏаьхха, ког лайжа, сихденна доагӏача лоаман хи чу ежар, цунца хинна шоллагӏа йола кхалсаг а, из хьаяккха этта, хиво ӏойихьар.
Цар цӏогӏа хезача Бӏарахой Ибрахӏима цхьан секунда, кхы уйла ца еш, царна тӏехьа хи чу тоссавелар. Из цига хиннавецаре, уж шаккхе а хиво ӏохьош яр. Бакъда къонача зӏамигача сага зийра, ше уж хьалбаьхачул тӏехьагӏа царех цаӏ ший сакхетам чура яьнна хилар, хӏара секунд дӏалархӏа езаш йодар ха.
Сиха из хьал кхетадаьча Ибрахӏима из меттайоалайир, шийна ховча говзалца. Из бахьан долаш Бӏарахой Ибрахӏима «Денал гойтарах» яха майдилг, цунца удостоверени делар, иштта Россе МЧСа боахамо баркал аьлар.
Уж совгӏаташ лаьрххӏа кхетаче йолаш хьаделар Россе Турпалхочо, контр-адмирала Козлов Ильяса, Гӏалгӏай Республикера РФ сенатора Хамченаькъан Белана. Цар баркал аьлар зӏамсага денал а, цӏена Даькъастен къонахчал а цо гойтарах.
