Чамалхара гӀувнаш тоаеш латт
04.04.2024 10:08
Чамалхара гӀувнашта лаьрхӀа дола доазув нийсдеш, из моттиг тоаеш, боахк болхлой. Арште бахача наха хий лоаттадергда ювцача гӀувнаша. Из хоам «Сердалога» бир Шолжа кхален администраце.
«Таханарча дийнахьа чӀоагӀа лоархӀаме да, бахархошта боаггӀача боараме хий лоаттадар. Болх йистебаьлча, цӀена, керда хий мела йиш хургья Арште бахача наьха», - йоах тхогарча хоамо.
Цу тайпара доккхий балхаш деш латт тахан вай мехкарча юрташка, шахьарашка; бахархой хин гӀулакх тоадар духьа.
