ДаьттагӀа яхача юрта, бокъо йоацаш, хьу тедаш йола моттиг гучаяьккхар
22.01.2024 11:39
Республикан Ӏалама министерствон Шолжерча хьун боахама болхлоша гучаяьккхар, бокъо йоацача даькъ тӀа хьу тедаш йола моттиг. Из я ДаьттагӀарча хьун даькъ тӀа, яхаш, дийцар боахама зарбан болх лелабераша.
Беча хоамах, кхетаде йиш я, бокъо йоацачара 8 хи тийдалга, цу юкъе ялх попа, цаӀ хьеха, цаӀ муша хенаш да. Еррига а тийда хьу 12-15 кубометр я», - йоах хьабайтача хоамо.
Экологаша, хьун бокъонаш телхаяьча моттиге оперативно-тохкама тоаба хьайийхар, из хӀанз этта хьал довзаш бола болх дӀахьош я. Цу балха юкъе, бехкевар гучаваккхарга, из бехктокхаме озарга хьежаш ба.
Хинна зе малагӀча боараме да ховргда зулам тохкарашта, из такха дезараш ба бокъо толхаяьраш.
