Спорта стадион тоаеш, болх ба мехка дӏаболабаьр
27.03.2026 10:03
Магасера Пхьарчанаькъан Мухьмада цӏерах йола стадион тоаеш боахк болхлой. Из хоам «Сердалога» бир шахьара мэре. «Магасера Пхьарчанаькъан цӏерах йола стадион, боккха болх дӏахьош, тоае йолаяьй. Из тоаеш къахьегар тахан лоархӏамеча гӏулакхех долга белгалдир вай мехкадас Келаматанаькъан Махьмуд-ӏаьлас телевидене гӏолла дӏайихьача кхетаче», - йоах тхога бенача хоамо.
Ткъаь итт шера дикка тишъенна, хьал телхад цу стадиона. Доккхий хувцамаш деш боккха болх ба цига чакхбаккха безар. Тишъенна хӏамаш дӏайоахаш, доазув цӏендеш боахк цига карарча хана.
Тайп-тайпара яхьаш дӏакхахьа лерхӏ цига, тоаяь яьлча. Спортаца бувзам лелабе ловрашта паргӏата, дика моттиг хургья цох кастта.
