Туризма болхлой безбир Магасе
Дерригача дунен гида-экскурсовода Ди дездеш, Магасерча спортах, туризмах, культурах йолча моттиге цу наькъ тӀа белгалбаьннараш гулбир. Из хоам «Сердалога» бир ЦКСиТ кулгалхочун гӀонча волча Янданаькъан Абте.
«ХӀара денна бахархошта, хьатӀабаьхкача хьаьшашта республикера моттигаш йовзийташ къахьегача болхлошта доккха баркал аьлар кхетаче. Магасерча Барта ГӀалан чу санна, лоаман моттигашка а туристашта деррига дӀадовзийташ лел экскурсоводаш», - дийцар тхога.
Магасерча культурах, туризмах, спортах йолча моттига беррига гидаш-экскурсоводаш даькъалабувц цар денца. Шоай болх иштта бехктокхаме дӀабахьа, хьаьшашта вай мехкарча моттигий истори долча тайпара духьалдахьа аьттув болаш, шоаш леладечох дог ца эккхаш латталба уж.
1990-ча шера саькура бетта 21-ча дийнахьа хӀара шера дездергдолаш чӀоагӀдаь ди да из. Тахан 87 мехкара 200 эзар совгӀа саг ва цунна юкъевоагӀар.
