«Шахьар цIена лоаттаяра, наькъаш лерттIа цIендаь а дIа-юха вахара паргIата а хилийтара, «Магас-Шахьара ЖКХ» оалача МКУ (моттигерча Iаьдала учреждене) болхлоша эшаш дола доал ду наькъашта, цу гIулакха лаьрххIа йола техника а лелаю, хий тохаш, никъ цIенбеш», — йоах хоамо.

Говзанчаша яхачох, машенаш лелача наькъ тIа гуллуш бола дом а хотта а дIабоаккхаш, ший ханнахьа лостам беш ца хилча, цо гонахьара сурт а толхаду, цул совгIа зене хила а тарлу, машенаш лелаш бола никъ из хиларах.