ГӀалгӀай къаман
юкъара газет

Кердадараш

Шолже кийчъеш я «Дошо гуйре» яха гойтам-ярмарка

Укх шоатта дийнахьа, ГӀалгӀайчен Шолжерча культуран ЦӀагӀа «Дошо гуйре» яха гойтам-ярмарка кийчъеш я, аьлар «Сердало» газетага шахьара администраце.

«ГӀалгӀай Республикан юртбоахама, кхачан министерствос дӀахьош я из ярмарка, из иштта хетаю ерригроссе халкъа цхьоагӀон Денна, массаза санна из белгалдергда лайчилла бетта диълагӀча дийнахьа. Ӏуйрийна 10 сахьат даьлча денз, сайранга кхаччалца тайп-тайпара говзанчаш-ахархой хургба шоай кхачан продукци гойташ, из ГӀалгӀайчен бахархошка, хьаьшашка йохкаш. Из дӀахьош хилар дувзаденна да, шоай товар маьхалдаккхарца а иштта наха маьха чухьнахьа эца продукци хилийтарца а. Цул совгӀа, дохкархой гойтаме лаьрххӀа совгӀаташца белгалбергба «Зизай фестиваль», «ДикагӀа бола ший доалахьара боахам» яхача яхьашка котбаьннараш», - аьлар мэре викалаша.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде