«Из болх дӀабахьа лерхӀача моттигага хьажа баха хилар шахьара да вола Ӏумаранаькъан Аслан, цун гӀонча Беканаькъан Халид. Укх шера бӀаьсти дӀаболабе лерхӀ из боккха болх. Ахкан ха хьатӀаотташ, йистедала дезаш да цигара гӀулакх. 

Шолжа-Шахьарера МагӀалбике кхаччалца хий лоаттадер шахьара керттера насосни станци я», - йоах тхогарча хоамо.

Ахкан ха хьаэттача, хий массанахьа дӀакхачац, из бахьан долаш яха лерхӀ керда артезиански гӀувнаш.

Белгалде деза, 2022-ча шера, хьалха консервни завод хиннача коа, хин гӀувнаш яьхалга. Из бахьан долаш, 3600 кубометр хий дукхагӀа хиннад.