Шолжа-Шахьарерча Менделеева оалача урам тӀа, газ тоаеш боахк болхлой
26.02.2024 09:26
Шолжа-Шахьарерча Менделеева оалаш болча урам тӀа, газ меттаоттаеш баьхкар болхлой, квартирни цӀеношка бахача наха кастта газ хьалургйолаш. Из хоам «Сердало» газетага бир шахьара администраце.
«Газа хьалага хьожача къахьегамхоша белгалдечох, цхьацца балхаш дӀахьош боахкаш, газ хьалу турбаш толхаяьяр. Газ яцар 54-ча, 46-ча квартирни цӀеношка. Ара сердал оттарца дӀаболабаь из болх, из моттиг тоаярах бола хоам бир бахархошка кӀеззига сабар дича. Газовикаша дехар дир; цӀаьхха, нийсденнача хатарах кхеташ хила, аьнна», - йоах тхога баьча хоамо.
Белгалде деза, кхыйолча моттигашка а ЖКХ оагӀонца двзаденна балхаш дӀакхухьаш латтилга. Хан-ханнахьа дӀакхахьа дезаш балхаш да уж, республикерча ерригача кхалешка.
