Шолжерча Грозненски урам тӏара тишъенна хин турбаш хувцаш латт
Шолжа-Шахьарерча Грозненски урам тӏара тишъенна хин турбаш хувцаш латт. Цигара хьал довза вахар мэр ӏумаранаькъан Аслан.
«Вахара-коммунальни боахама болхлоша къаьнара хин турбаш хувцаш латт, укх заман 160 мм сома йола турбаш чуйоахкаш. Из моттиг я 1 100 метр долча даькъ тӏа.
Хӏанз говзанчаш, къаьнара турбаш дӏа а йоахаш, керда турбаш чуяхка сангараш оахкаш ба. Из болх чакхбоаккхаргба 14 дийнахьа. Ше цига ваха волаш, доал деча даькъ тӏарча кулгалхочун ӏумаранаькъан Аслана, цун гӏончан Беканаькъан Халита къамаьл хилар болхлошца, уж хьежар болх мишта кхоачашбу, цар белгалдир балха дикал лакха хила езилга», - йоах хоамо.
«Кердача, таханарча заман турбаш дукхача шерашка болх бергба, наха хий лоаттаде таронаш луш», - аьлар ӏумаранаькъан Аслана.
