Шолже «Турпалхо» яха тӀом дӏабахьа ӏомалуш республикански ловзар хилар
22.10.2025 10:08
Республикански тӏом бе ӏомалуча «Турпалхо» яхача ловзарашта чудоагӀаш, Шолжа-Шахьара аренашка яхь дӀайихьар, яхаш, дийцар «Сердало» газетага ГӏалгӀай Республикан кагирхой гӀулакха йолча комитете.
«ШоллагӀча яхьашка дикагӀъярех хилара бокъо яьккхар тоабаша №5, №6, №7, №8 йолча Шолжерча юкъерча ишколаша. Цар ка яьлар саг чувоацаш гӀетташ дола гӀирсаш леладе, тактически дарбанчен, лазертага (тоабай лазерца ловзар), халоний мугӀарах чакхвабала. Турнира чаккхено хьагойтар хьалхара моттиг яьккхар Шолжа-Шахьара №5 йола юкъера ишкол йолга», - аьлар хоамо.
Даькъаладувц бераш дикача толамца! Из, боккхача наькъа цхьа дакъа мара дац - хьалха кхы а йола халонаш я, чӀоагӀа яхьебаьннараш, кхы а халагӀа декхараш», - аьлар кагирхой комитете.
