Шолжа кхале ондаргашта юкъе жIакех яхьаш хилар
ГӀажарий-Юрта жIакех ловзара йола яхьаш дӀайихьар. Цига дар Шолжа кхален тайп-тайпарча юрташкара 20 бер. Уж даьхкадар, жIакех ловзаш, шоашта фу карагӀдоал хьажа. Цига тӀахьожам беш вар «ЦаӀ йолча Россе» парте моттигерча отделене секретарь Йовлой Мухьмад, иштта моттигерча политсовета доакъашхо Ганенаькъан Мухьмад, жIакех йолча ишкола кулгалхо ГӀапархой Саварбик, яхаш, дийцар единороссий зарбан болх лелабераша.
ХӀара сага ловзара хьакъоастаяьр яр итт минот. Котваьннарг лоархIаш вар дукхагӀа очкош яьхар. Нагахьа ловзаш барий толамаш цхьатарра нийслуш хуле а аьнна, кхыдола декхараш а юкъедаьхадар цу ловзара, цига дӀалоархӀаш дар сихагӀа уйла еш хилар, даьха толамаш, массаза кхетаче хиннав ловзашвар.
«ЖIакаш - из хьаькъал долча наьха спорт я. Укхаза дакъа лоацараш декхараш кхоачашде ховш а шоай тайпара уйла е ховш а бола нах ба. Бакъда моллагӀча спорте санна, цар а шоай мел йола уйла тӀайохийт котбалара. ДӀайихьача яхьашка а иштта дар. Царех хӀаравар хьежар шах а мат а оттае», - аьлар Йовлой Мухьмада.
