ГӀалгӀайчен Шолже кхетаче хилар бокъонаш лораерий, доал деча даькъ тӀарча Ӏаьдала, юкъарлонна
В Сунже стражи правопорядка, муниципальные власти и представители общественности обсудили за круглым столом главные и актуальные проблемы, информировали газету «Сердало» в администрации муниципального образования.
«Укх деношка бокъонаш лораяра региона боахама кулгалхоша, шоашта кертте ГӀалгӀай Республике гӀолла йолча МВД кулгалхочун гӀонча, полице подполковник Маммаев Мухьмад, ГӀалгӀай Республика МВД Общественни совета кулгалхо Гаданаькъан Муса, Совета доакъашхо Албохчанаькъан ИсмаӀал волаш, Шолжа шахьара Ӏаьдалца, юкъарлонца цхьана гергача истола гонахьа кхетаче дӀахьош хилар.
Цига дийцар бокъонаш лораерий балхах, доал деча даькъ тӀа бахача наьха хаттарех, наькъа машенашца хьовзамаш нийслуш (ДТП) йола моттигаш вай мехка ма хулла кӀезигагӀа хилийтарах, иштта чурча гӀулакха органашка бахархой балха оттабарах», — йоах хьабайтача хоамо.
Цу тайпара кхетаченаш дӀахьош хилар дика хургда, аьнна хьалхадаьккхараш бар ГӀалгӀай Республике гӀолла йолча МВД кулгалхой.
Кхетаче дӀахьош бокъонаш лораяра органий викалаша бахархой тӀахьийхар шоашка дола герз, цунцара тӀема гӀирс, лелхаш дола герз Ӏаьдала дӀачудалара, цу юкъе белгалдаьккхар Ӏаьдало цунах боагӀаш бола мах хьалуш хилар. Цул совгӀа бахархошта делар жуккаргал леладеш болча нахах лорабалара лаьрхӀа дола хоамий дагалоаттамаш.
