«ГIалгIайчен Шолже газ хьаухаш хилара хьал ший теркама юкъеийцад шахьара кулгалхочо Iумаранаькъан Аслана. Ерригача шахьара цу гIулакхаца бувзам бола болхлой цу моттиге ба, уж ба администраце ГО, ЧС отдела болхлой, иштта МЧС газага хьожараш. Моттиг гобаьккха чулаьцай полице низаца, наха цунах зулам даргдоацаш.

Газ хьаухаш йола моттиг дIакъовлара, цунна бахьан довзара бола болх дIаболабаьб», — йоах хьабайтача хоамо.

ХьалхагIа хоам баьбар, Хьоашаланаькъан урамах машенашка газ чуювттача моттиге газ хьаухаш хилар бахьан долаш, шахьара цхьан даькъ тIа электроснабжени лIаьгIъяьй, аьнна. Цу хана доккха дийлхача догIо даь зе дий хьожаш, газ хьаухаш моттиг йий хьожаш, болх дIабихьар. Доал деча даькъ тIарча Iаьдало дехар ду бахархошка, лоралуш хила яхаш. Нагахьа санна чоалхане хьал этта моттиг нийслой, газ хьаухаш йий хара фийла хилар дех.