«Исбахьален оагӀонцарча балха кулгал деча Йовлой Мадинас, нийса никъ лелабар мел лоархӀаме да дувца гулбир дешархой. Цо дийцар берашта, наркомани хоржараш дукхагӀа 18 - 22 шу даьнна нах болга, бакъда тахан даржаш латт 18 шерал зӀамагӀ бараш а цу бӀехача, харцача наькъ тӀа балар. 25, 40 шу даьнна нах ба цу дохьажах бовш латтараш.

Хьехархочо берашта дийцар, цкъа ший вахар ийрчадаьккхача сага тӀехьа тӀайоагӀача хана тешаме саг хинна дӀаотта мел хала да. Цу оагӀонцарча балхах болча говзанчаша белгалдечох, наркоманаш хӀара шера дукхагӀа хулаш латт, дерригача дунен тӀа 1 млрд совгӀа адам да цу харцача хӀаман тӀехьадаьннар.