«Даьхен Лорбой кубок» яхача яхьашка котало яьккхар вай мехкарча тӀема операцен доакъашхочо
19.08.2024 10:57
Ставрополе дӀайихьача «Даьхен Лорбой кубок» яхача яхьашка; котало яьккхар вай мехкарча, тӀема операцен доакъашхо волча Хьоашаланаькъан Абукара.
Из хоам «Сердалога» бир «Даьхен Лорбой» яхача ганза моттигерча филиало.
Истола тӀарча теннисах белгалваьлар вай мехкахо Къилбаседа-Кавказера, ГӀибухерча моттигашкара, иштта Донецкера, Луганскера венача 130 бӀухочоа юкъе. Белгалде деза, из спорта оагӀув Абукара бера хана денз дика йовзилга.
«Ганзо дӀакхухьача кхетаченашка массахана дакъа лоац аз, шоай болх лакхача боараме дӀахьош ба уж тахан. Тхона массанена дикахетар хилар цу гӀулакхах, тха уйла еш, цхьацца хӀама доаржадеш хиларах доккха баркал ала лов ганзе къахьегарашта», - аьлар котваьннача Абукара.
