ТIема операце доакъашхо вола вай мехкахо, Буро тIа могашал меттаоттаеш ва
16.12.2024 09:24
«Даьхен лорбой» яхача ганза республикерча филиала болхлоша Буро тIарча моттиге дегIа могашал меттаоттае хьожавир, тIема ветеран вола вай мехкахо. Из хоам «Сердалога» бир цу моттигера.
«ТIема операцен доакъашхочо дехар даь, «Могашала сурт» яхача унахцIенон хьал тоадеча моттигаца бувзаме баьнна, вIаштIехьадаьккхар из гIулакх филиала болхлоша. Белгалде деза, из моттиг Къилбаседа Кавказе цIихеза, дика тешал тIехьа долаш йолга. Шин кIира цига ха йоаккхаш, могашал тоаеш хургва Iамархан», - йоах тхога кхаьчача хоамо. ТIема операце юкъе лозаваь, цIавайта ва вай мехкахо, кога операци яьй цун. Суворова цIерах йола майдилг енна, белгалваьв Оздой Iамархан.
