СВО доакъашхочоа гӀо ду могашал меттаоттае
18.12.2024 16:45
«Даьхен лорбой» яхача ГӏалгӀай ганзо новкъостал ду ЛаьрххӀача тӀема операце доакъашхочунна, Москверча цхьан клинике могашал меттаоттае, яхаш, дийцар «Сердало» газетага ганза викалаша.
«Москверча Блохина цӀерагӀча онкологически центре дарба дайта новкъостал дезаш вар Совтанаькъан Адам. «Даьхен лорбой» ганза говзанчаша дехарах, МагӀалбик-Шахьара кулгалхоша новкъостал дир», - хоам бу газетага.
Белгалду, лаьрххӀача операце Адам вахавар контрактах. Из старшина цӀи йолаш, тӀема толамаш хиларах совгӀаташ денна а ва. Лораша из хала лазар гучадаккхарах, цӀавайтавар тӀем тӀара.
