ГӏалгӀайчен кулгалхоша Ид аль-Фитрага кийчо ярах дийцар
ГӏалгӀай мехка кхетаче хилар, Мехкадас кулгал а деш, цига дийцар Ид аль-Фитр цӀайга кийчо ярах.
Келаматанаькъан Махьмуд-Ӏаьлас теркам тӀабахийтар, ца хаддаш коммунальни хьалаш лоаттаде дезара - ток, хий, газ.
«Нах цхьан дийнахьа а газ, сердал, хий доацаш бита йиш яц. Цхьаккха хӀама хила йиш яц царна новкъа долаш Мархаш (Ид аль-Фитр) цӀай дӀадахьара. Къаьстта дукха гӀулакхаш да кхалнаьха, уж цӀагӀа а ара а кийчо е езаш, массанахьа кхача безаш ба»,-аьлар республикан кулгалхочо.
Цо иштта белагалдир транспортацара хьал цӀай долча деношка дика хилийта дезар, цу даькъе Пригородни кхален доазон тӀа бахарашта. Цо декхар тӀадиллар Минпрома балха график оттаяра, бахархой шоай баха безача моттиге кхача таро хургйолаш.
Цул совгӀа, цӀай долча деношка министерствошка, боахамашка ха дара бола болх вӀашагӀболла беза, хӀаранена эшаш дола новкъостал хилийтара.
