Наьсарен ӏаьдало теркалдир, тӏема даькъ тӏа веннача бӏухочун наьна дехар
Наьсарен администраце сиха теркалдир СВО мугӏарашка веннача бӏухочун Бохтаранаькъан Исроапила Мухьмада наьна Бохтаранаькъан Лидай кхайкарал. Из латкъаш яр, ше чуяхача вӏаштIардаьча цӏен тховнах ладар чуухаш хилара. Шахьара кулгалхочо Оздой Руслана тӏадиллача декхарах, сихонца вӏаштӏехьабаьккхар тхов тоабара болх, хьалхашка нийслуш хинна кхоачамбоацараш юстардаьхар.
«Наьсарен-Шахьара администраце кулгалхочун гӏонча ва Аькхенаькъан Мухьмад-Башир, из вахар веннача бӏухочун дезал болча, из хьежар болх мишта баьб, иштта цун къамаьл хилар бӏухочун наьнаца. Тӏема декхар кхоачашдеш байна вай бӏухой хьаллацар къаьстта дола декхар да. Цу тайпарча дезала хӏара дехар терко е езаш а, ший ханнахьа кхоачашде дезаш а да. Бохтаранаькъан Исроапила Мухьмада, иштта шоай тӏема декхар кхоачашдеш бейнача вай бӏухой цӏераш цӏаккха а йицлургьяц, уж вай дегашка хургья даим», - аьлар «Сердало» газетага Наьсарен-Шахьара администраце болх лелабераша.
Тӏема даькъ тӏа бейнача вай турпалхой дезалашта цахаддаш терко лоаттаю Наьсарен-Шахьара кулгалхоша. Бӏухой гаргарча наьха кхайкарал терко йоацаш дусаргдац, царна эшаш дола новкъостал лоаттадергда сихача боараме.
