Шолжерча ӏаьдало къовсам лоаттабу, подвалашка латтача хица
09.07.2026 11:37
Шолжа-Шахьара администраци къахьегаш я, наьха доалахьарча фусамий подвалашка хий латташ хилар юстардаккха гӏерташ, яхаш, дийцар «Сердало» газетага из болх вӏашагӏбеллараша.
Цӏеношкара хьал довзара шахьара администраце ЧС, ГО даькъа кулгалхо Балайнаькъан Ислам, иштта цӏенон, эпидемиологе Центра говзанчаш бахар из нийсдаларах латкъаш хинна бахархой болча. Уж нах бахача моттигашка ахар шахьара кулгалхочо тӏадилладар. Керттера декхар дар из хий мичахьара хьаух хьажар.
Лабораторе тохкамаш даь даьнначул тӏехьагӏа, эксперташа яьча чӏоагӏонах ховш хургда цун бахьан малагӏа да. Шахьара мэре из бахьан юстардаккхара де дезар тӏаэцаргда.
