ТӀема доакъашхой дезалашца кхетаче йир республикерча тӀема прокурора
29.05.2024 10:53
ТӀема операцен доакъашхошца, цар дезалашца Наьсаре кхетаче дӀахьош хилар тӀема прокурор. Из хоам «Сердалога» бир цу гӀулакха хьалхалаттараша. «Даьхе лораераш» яхача ганза филиале дӀадихьар хӀара бетта хулаш дола вӀашагӀкхетар. Бахархой тайп-тайпара дукха хаттараш дар, цига тахка дезаш. ХӀаранега ладийгӀа, дӀахо болх дӀахьош ба ганза болхлой.
«ТӀема доакъашхошта, цар дезалашта мел могаш дола гӀо лоаттаде хьожаш да тхо. Из болх массахана иштта дӀахьош хургба. Тахан Даьхен гӀулакха латтача наьха вахарера кхоачамбоацараш юстардахар тхона лоархӀаме да. Вай низ хилар, цхьана хилар да!» - белгалдир филиала кулгал деча Оздой Муслима.
