Вайцигарча лоӀамхочо дакъа лаьцар, «Сенеж» яхача Ерригроссийски дешара кхетаче
«Сенеж» яхача дешара центре дӀайихьар Ерригроссийски дешара кхетаче. Из лаьрхӀа яр «Вай цхьана» яхача лоӀамхой штабашта, моттигашкарча тароний центрай командашта, цига дакъа лоацаш хилар ГӏалгӀайчен лоӀамхой тароний центра кулгалхочун гӀонча Гоамакортанаькъан Мустафа.
«Дешара кхетаче дӀахьош, дувца оттадаь дош дар «Кагирхой, бераш» яхача къаман проектаца дувзаденна хьалхашка латта декхараш кхоачашдар, Дика.рф чубоагӀача моттигерча викалий балха планаш тахкар, иштта дийцар Дика.Центрай. тароний балха хьалех лаьца.
Дешара кхетаче дӀахьош, уж дешаш кхоачашдарах дийцар», - хоам бу «Сердало» газетага моттигерча кагирхой политикан, туризма Министерствос.
«Сенежо» тайп-тайпарча доакъош тӀа къахьегача говзанчашта дешара программаш, кхетаченаш лоаттаю. Укхаза болхлошта, начӀал долча кагирхошта, юкъарча цхьанкхетарий кулгалхошта, къонача профессионалашта, журналисташта, хьехархошта, Ӏилманхошта лаьрхӀа курсаш дӀахьу.
Цига тайп-тайпарча дешара оагӀонаш Ӏалашъю, цу юкъе да дешар, лекцеш, дешара кхетаченаш, говзанч-хьехамаш, яхьаш, болх бе Ӏомабалар. Дешар дӀахьош, доакъашхой таро я болх Ӏомабе а шаьрбе а, из юкъарло дегӀайоалаяра цхьа дакъа да.
