«Ади Ахмада» викалий толамаш
Эллиной-румий латарах йолча Россе йоккхача яхьашка котало яьккхар «Ади Ахмад» яхача клуба доакъашхоша. Россе Турпала Келаматанаькъан Iалихана хетаяь яхьаш «Магас» яхача спорта цIагIа дIайихьар.
«Тайп-тайпара майдилгаш яьхар клуба виъ спортсмена. 77 кг дозал дарашта юкъе белгалваьлар БIарахой ИсмаIал; 82 кг ярашта юкъе дошо майдилг яьккхар Iарапханаькъан Рамзана, шоллагIча лагIа тIа ваьлар МазаевгIар Турпал-Iаьла; 72 кг барашта юкъе борза майдилг кхаьчар БIарахой Мухьмада», - йоах тхога бенача хоамо.
«24 шерга кхачанза болча спортсменашта юкъе дIайихьар яхьаш. Шиъ дошо, дото, борза майдилгаш яхар боккха толам ба, цо хьагойтар, спортсменаш дика кийчо яь хиннилга», - белгалдир спорта гIулакхех йолча Министерствон хьалха латтача Белхарой Руслана.
