Бокъонаш лора ца еш долча латарах (миксфайтах), СКФО чемпионат хилар вай мехка
14.10.2024 13:01
Бокъонаш лора ца еча латарах (миксфайтах) йола 2024-ча шерара йийлла чемпионат дӀайихьар вай мехка духхьашха. Из хоам «Сердалога» бир цу моттигера. Из латар да бийнаш, мӀарга бетташ, вижа а Ӏохайна а лата йиш йолаш, цул совгӀа, садикъа а йиш я цига. Тайп-тайпарча латарашца бувзабенна спортсменаш гулбир цу гӀулакхо.
СКФО, Къулбехьерча 11 моттигера 500 совгӀа спортсмен вар «Наьсаре» яхача спорта ишкола доазон тӀа, ше-ше котвала гӀерташ, латаш хиннараш. Россе чемпионате дакъа лаца гӀоргба цига белгалбаьнна толашагӀбараш», - йоах тхога кхаьчача хоамо. Самбох йолча федерацен вице-президент волча Янданаькъан Апте белгалдечох, цу яхьаша дикка пайда бир спортсменашта, тайп-тайпарча къамашта юкъера барт, безам чӀоагӀбир.
