«Полиомиелит унзара лазар да, дегӀ дӀалелаш доацача воаккх цо саг, кхыметтел цу лазарах вала а тарлу. Бакъда пайдана да ший ханнахьа маьхий тохар. Маьхий тохар кхераме а дац, из лазар кхетар кхера везаш а хилац. Ший ханнахьа маха техар кӀалхарвоал, цу унзарча лазарах. Ший ха я маха тохара йилла. Лора дикагӀа хьалхадоаккх, из маца тоха беза. ДикагӀа да ший ханнахьа маха тохар, тӀехьагӀа цунна дарба деш лелачул», - аьлар республикан унахцӀенон боахаме.

Лораш сатем байна хилар бахьан да, бераш ишколе аха долалуш хилар, цхьоалагӀча классашка деша долхаш дола бераш юххьанца дукхача наха юкъе леста дезаш да, цо сомадоаккх инфекци оала лазар. ДукхагӀа дола лазараш, полиомиелит, лораша яхачох, шода тӀадамашца сагагара хьадала йиш йолаш да, из кер чу дус. Фу лазар да ха а атта дац, хӀана аьлча кхыдолча лазарашта тара хиларах. Цудухьа лораша бераш лораде деза массадолча лазарех, оттаяьча хана маьхий а теха.