Цо хоам бу Путин Владимира хьаллаьцар «Единая Россия» яхача парте оттадь нах гурахьа дагарбергбола дош.
ХьалхагIа Турчака Федеральни гулламе цхьацца йола послане оагIонаш ювцаш белгалдаьдар гурахьа сентябрь бетта Паччахьалкхен думе кхадж тоссаш хиларца, Ерригароссе перепись яр болх тIехьа баьккхача бакъахьа дар аьнна.Политико белгалдаьдар цо наьха сатем кIезиг-дукха боабе тарло аьнна. Президент из тохкаш хилар.
Ерригароссе бахаш бола нах дагарбергбола болх дIабахьа безаш бар кхы а 2020 шера, бакъда из 2021 шера тIехьа баьккхар. Ер шу дIадолалуш лаьрхIадар перепись апрель беттагара сентябрь беттага кхаччалца гаьна баккха, хIана аьлча цу ханале коронавирусаца дувзаденна эпидемиологически хьал аттача даларга сатувсаш дар.
Эксперташ яхачох Ерригароссе перепись яра 6,9 млрд сом хьожадергда резервни фондера. Из болх дIахьочарна министерство 25 эзар сом лургда.
