Денал долча бӀухочунна Новразанаькъан Ӏаьланна новкъостал дир колледже дIаотта
29.08.2024 15:32
«Даьхен Лорбой» яхача ганза филиала новкъостал дир ЛаьрххӀача тӀема операцен доакъашхочунна колледже деша отта, цун карагӀдаьннар белгалдаьдар мехка кулгалхочо Келаматанаькъан Махьмуд-Ӏаьлас, яхаш, дийцар «Сердало» газетага цу боахама викалаша.
«Новразанаькъан Ӏаьла деша оттаварах массехказа дийцадар, бакъда цкъа из дарба даь валлалца аьнна тӀехьатетташ дар из дош. Бӏухочо, ший дог раьза долаш, каьхаташ дӀачуделар; «Хоамаш деча чоалхийи таронийи оператор» хургволаш. ХьатӀабоагӀача бетта,19 шу даьнна зӀамсаг дешаш хургва Наьсарерча «Хьалий, вахара тароний колледже», - аьлар тхоца къамаьл даьчо.
