Яндарера къона артисташ хоржамий даькъ тӏа концерт луш хилар
20.09.2026 18:34
Кхадж тоссача дийнахьа, харжархой самукъадоаккхаш концерта программа дӏайихьар Яндарерча культуран Цӏен халхара ансамбло.
Хоржамаш - из граждански декхар кхоачашдар да; цул совгӏа, республикан бахархой вӏашагӏтохаш дола юкъарлон лоархӏаме хьал дӏадахьар да. Моттигерча культуран Цӏен тоабо шийна могар дир из ди хоза, цӏайна кепара дӏадахьара, юртхой самукъадаккхара», - аьлар культуран-салоӏама урхаллен кулгалхочо Йовлой Мадинас «Сердало» газетага.
Къонача артисташа дог ураоттадеш йола къаман ашараш лекхар. Къаман гӏирс тӏабийха, халхараш дир, цар гойтар гӏалгӏай къаьнара халхараш.
Яндаре кхадж тасса баьхкача дукхача наха из программа чӏоагӏа езаялар. Боккхийбараш доккхалца хьожаш бар шоай къонача мехкахой начӏалга.
