ГӀалгӀай къаман
юкъара газет

Кердадараш

Вайцигарча боксёраша Ессентуке 10 майдилг яьккхар

Яндакъонгий-Юртарча боксёраша боксах йолча Ессунтуке дӀайихьача яхье 10 майдилг яьккхар. Из яхь хетаяь яр Даьхен турпалий денна, яхаш, дийцар «Сердало» газетага ГӀалгӀай Республикан бокса Федераце.

«ЧӀоагӀа оамал а латара говзал а гойта котбаьлар Албаканаькъан Юсап, Янданаькъан Рамзан, Котанаькъан Ӏаддал-Малик, Янданаькъан Ахьмад, Янданаькъан Салахьудин, Янданаькъан Аслан.

Сийдола шоллагӀа моттиг яьккхар Хазанаькъан Заьлмаха, Патанаькъан Сайфуллахьа, Таренаькъан ИбрахӀима, Янданаькъан Ислама. Из цхьаькха а боксёрий говзал гойташ бола вай спортсмений толам ба», - аьлар хоамо.

Къона спортсменаш Ӏомалуш ба Янданаькъан Мухьмада, Ӏалбакханаькъан Ахьмада кулгал деш, цар шоашта могар ду, шоаш хьехаш дола бераш дикагӀа начӀал долаш а кхеташ а хилийтара.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде