Къонача суртанчаша, шоашта хетача беса, Куликовски тIема сурт диллар
Наьсарен берий исбахьаллен ишколе, дагалоаттама урок дӀайихьар, Куликовски тIема 650 шу дузаш хиларца ювзаенна. Къонача суртанчаша шоай балхашка гӀолла гойтар, бӀаьшерен юкъе нийсденнача доккха, Мамая эскарца эрсий эскар латарах дола шоашта хетар.
«Исбахьален ишкола хьехархошта, дешархошта дагаухар эрсий тӀема бӀухошта карагӀдаьннар, цар майрал, денал, уж шоай хьамсара лаьтта бахьан латаш хинна хилар. Урок дӀахьош, го йиш яр цу ханара каьхаташ а тIема хетадаь хинна исбахьален йоазош а», - аьлар «Сердало» газетага ГӏалгӀайчен культуран Министерстве.
Вай мехка истори хьаийцача, кхувш йоагӀача тӀехьенна Даьхенцара безам совбоаккхаш кхетам бала новкъостал деш дукха моттигаш я. Россе дӀаяхача ханашка хиннар хьаийцача, дикагӀа кхетаду цун карагӀдаьнна гӀулакхаш, доккхал ду Даьхенах.
Исторе Ӏомаду вай культуран тӀехьале лорае, вай даьй Ӏадаташа хьагойт дӀаяхача ханашка хинна деза хIамаш. Уж деррига а тахан вай тӀехье кхеяра накъадоалаш да.
