Илдарха-Гӏалан къонача вахархочох Гӏалгӏайчен чемпион хилар
Илдарха-Гӏалан къона вахархо Малсаганаькъан Амир котваьлар Гӏалгӏай Республикан «рапид» оалача хьисапе жӏакех ловзача Хьалхалене, яхаш, дийцар «Сердало» газетага шахьара культуран Цӏагӏа.
Цу тайпара ловзар дӏадахьа лу 10 минотагара 1 сахьатага кхаччалца ха. Чӏоагӏагӏа ловзараш белгалбир Эбарг-Юрта, ардара бетта 17- ча дийнахьа.
Илдарха-Гӏалан культуран Цӏагӏа ӏомалуш бараша гойтар лакха кийчо йолаш, дика кхеташ уж хилар. Начӏал гойтар ДК жӏакех ловзара кружоке ӏомалуш йолча Овшанаькъан Танзилас.
Керттерча даькъах, «классически жӏакаш» яхача, Амира даьккхар борза совгӏат. Бакъда «рапид» даькъ тӏа яхьаш дӏахьош цу кӏаьнка гойтар белггала йола говзал, из бахьан долаш республикан чемпион а хилар.
Илдарха-Гӏалан культуран цӏен болхлоша дег чура даькъалавувц Малсаганаькъан Амир, иштта цун хьехамча Мухьмада Танзила дикача толамца, вай шахьарашка жӏакай яхьех кхы а лакхагӏа толам баккха аьттув хилба цар.
