Чайка Юрий вахар «Росси» хьажаре-кхетаче ГӀалгӀайчен гойтам болча
Чайка Юрий вахар «Росси» оалача хьажаре-кхетаче ГӀалгӀайчен гойтамга хьажа. Республикан викалаша дийцар, цигарча лоархӀамерча гойтамех. Къаман истори, Ӏалама хозаленаш хиларал совгӀа, укхаза го йиш яр промышленноста, юртбоахама, дешара, Ӏилман, культуран, туризма даькъ тӀа карагӀдоалараш, яхаш, дийцар «Сердало» газетага ГӀалгӀайчен Кулгалхочун зарбан болх лелабераша.
Куранна чуйоагӀача моттигий гойтамаша наьха безам тӀаоз. ХӀара денна стендашта говзанч-хьехам лу къаман кулгаговзал йовзийташ, кхоллама тоабаша гойт концертий программаш, интерактивни кхетаченаш дӀахьу. ХӀара даькъ тӀа бӀаьш нах ба гойтаме ухаш, цун хозалга хьожаш.
«Къилбаседа Кавказ геттара а кхыча беса я. Цо боккхача безамца тӀаэц туристаш, ер шу дӀадоладелча денз, уж ба 57% дукхагӀа, 5 миллион сагага кхоачаш. Мехка кхерамзлен Ӏалашо яьй, зуламаш лаьгӀденнад. Укхаза юкъедоалаш латт инвестицеш оала балхаш, дегӀайоагӀаш я промышленность, юртбоахам, иштта санаторно-курортни салоӀам. Керттердар - наьха вахара хьалаш тоалуш хилар. Укх кхетачен кепара дӀахьош йолча мероприяте таро я мехка кхыча моттигашта карагӀдоалаш дар довза, вай дукхача къамий Даьхенах доаккхал де. Укх гойтамо таро лу вай Даьхен низ, цун кӀийле гойта, Росси йолаш а хургйолаш а хилар чӀоагӀде», - аьлар Чайка Юре. «Росси» яха хьажар-кхетаче хьадийллар ВДНХ Москве 2023 шера лайчилла бетта 4-ча дийнахьа, из хургда 2024 шера бекарга бетта 12-ча денга кхаччалца – 161 дийнахьа: халкъа цхьоагӀон денгара космонавтикан денга кхаччалца.
Из хӀанзарча исторе хьалхара деш да, мехка толамаш го йиш я укхаза цхьан даькъ тӀа. Гойтам-кхетаченна чуйоагӀаш я Россе миӀингашкара 131 экспозици, шоашца стендаш а йолаш, уж я исполнительни Ӏаьдала болхлой, паччахьалкхен корпорацей, йоккхагӀа йолча компаней, юкъарча бувзамий ерригача Россе 89 моттиг чулоацаш.
