«Хий ийккха моттиг вайна дика йовзаш йола «канала дехье» я. Из бахьан долаш, хий хургдац цхьан юкъа.

Уж кхоачамбоацараш юстардоахаш йолча тоабо, тахан Ӏуррехь а ший болх дӀаболабаьб, хетаргахьа, сарахьа из болх баь баргба», - йоах хин гӀулакх леладара чубоагӀаш болча болхлоша хьабайтача хоамо.

Нагахьа санна эшаш хуле, цига бахача наьха таро я укх номерах телефон хьатоха:7 988 120 0807.

Белгалдаккха деза, хин турбаш тишъенна хиларах каст-каста йохаш нийслулга, цунца дувзаденна уж тоаяра балхаш а дукха хул. Цу наха къахьег моллагӀча хана, атта доацача хьалашка. Цар къахьегам лархӀа безаш а баркал ала дезаш а ба.