«Даьхе лораераш» яхача филиало ший болх лакхача боараме дIахьу
Филиал государственного фонда «Защитники Отечества» в Ингушетии, открытый в конце мая, за небольшой срок достиг хороших результатов, информировали газету «Сердало» в пресс-службе руководителя региона.
«ХIара мехка из моттиг хьаелла аьнна соцам баьр Россе Президент Путин Владимир вар. 70 совгIа болча тIема доакъашхой гаргарча наха шоай гIулакхаш техкад цига. 48 сага эшараш кхоачашде аьттув баьннаб таханарча дийнахьа.
Эггара чIоагIагIа наха хеттараш да, цхьацца хIаман тIехьа каьхаташ гулдара гIулакх; ветерана, унахцIено эшаеннача сага статус хьаэцар; йоал дIатела гIо дар. ХIара сага тIадена хаттар, дикка тохкаш, дIахо де дезар хьадеш теркалду», — белгалдир ший телеграмм-канале Мехкадас.
Адвокатски, Нотариальни палаташца; ЗАГСаца, экспертиза еча моттигаца; спортах, унахцIенон гIулакхах, дешара гIулакхах йолча министерствошца бувзам лоаттабеш, дIахьу филиало ший болх.
«Вай мехкара бIухой доккха денал, майрал гойташ латт Украине. Цар оагIув хьаллоацаш, дезалашка, гаргарча нахага хьожаш, цар хьашташ кхоачашдеш хила деза вай тахан. Царех хIаравар вай къаман сий доаккхаш латт», — белгалдир вай Мехкадас.
