Йоккхача кхетаче дакъа лаьцар кхоллама ишкола кулгалхочун гӀончас
07.09.2023 09:33
Россерча культурах йолча министерствон болхлоша «Культур. РФ» яхача портале дӀахьош хиннача ерригача Россе онлайн кхетаче дакъа лоацаш хилар, вай мехкарча берий кхоллама ишкола кулгалхочун гӀонча йола Тоачанаькъан Лейла.
«Йоккхача кхетаче дийцар, берий кхоллама ишколаш йоаржаеш, цар хьал тоадеш, дӀабахьа безача балхах, иштта паччахьалкхено цу ишколашта лоаттаде дезача новкъосталах. 2023-2030 шераш чулоацаш, тайп-тайпарча моттигашкара программаш дӀакхухьаш, берий ишколашка эша лакха говзал йола хьехархой лохаш, боккха болх ба дӀабахьа лерхӀар», — дийцар тхога Тоачанаькъан Лейлас.
