Юртбоахама министра гӀончанна, Россе МЧСа совгӀат делар
04.10.2024 16:15
ГӏалгӀайчен юртбоахама, кхачан министра гӀонча волча Цхьорой ИбрахӀима, Россе МЧСа совгӀат делар, яхаш, хоам бу «Сердало» газетага республикан юртбоахамо.
СовгӀат делар граждански кхарамзлен Ди мехка дездеча хана.
«Цхьорой ИбрахӀим белгалваьккхар нах лорабалара гӀулакха, Ӏалама цӀаьхха эттача чоалханерча хьала, нах а доазош а кӀал ца дуташ, гӀо дарах, цӀера духьалара Ӏалашо ярах, хин гӀишлошка наьха кхерамзле лораярах, цаӀ йола паччахьалкхен политика дика дӀаяхьарах», - аьлар ГӏалгӀай Республикан юртбоахама Министерстве.
