Экономика дегӀайоалаеча паччахьалкхен кулгалхочо даьха толамаш къоабалдир республике
ГӏалгӀай Республикан Паччахьалкхен кулгалхочо Владимир Сластенина елар «ГӏалгӀай Республикан цӀихеза экономист» яха сийдола цӀи. Цу совгӀато белгалду, республикан экономикан, ахчан оагӀув дегӀаухача цо дакъа юкъедихьа хилар, иштта из тешшаме дукхача шерашка болх беш хьавоагӀаш хилар.
Пхи шу да Сластенин республикан паччахьалкхен керте латта. ГӏалгӀайчен Кулгалхочо Келаматанаькъан Махьмуд-Ӏаьлас белгалдир, министрий кабинета хьалхашка мел оттадаь декхараш лакха дикал йолаш кхоачашдаь хилар. Цо яхачох, Сластенин Владимира кулгал деш, тӀаийца декхараш мехка керттера дешаш кхоачашдеча накъадаьннад, цар дӀалаьцар цун лоархӀамегӀа йола оагӀув.
«Баркал ала безам ба премьер-министра, ГӏалгӀайче дегӀайоалаяра тӀехьа цо дика къахьегарах. Таханарча хьалашка лоархӀаме да цхьана цу даькъ тӀа болх дӀахьош хилар. Владимир Владимировича из декхар дизза кхоачашдаьд», - аьлар мехка кулгалхочо, ГӏалгӀайчен хургдолчун тӀехьа цхьана дӀахьош болча балха лерхӀам белгалбеш.
