Кхоана, Шолжа-ГIалий тIа, Кавказски ловзараш хургда
![](https://serdalo.ru/sites/default/files/pubs-images/2022/09/b370cea8236d51bfd5300bab1adc3e41.jpg)
Нашу республику на этноспортивных состязаниях представят 43 атлета. Официально мероприятие именуется Фестивалем культуры и спорта народов Юга России.
Фестиваль дIаяхьара керттера бахьан — къамашта юкъе спорта оагIонаш, культура, барт, бувзам чIоагIбар. Атлеташка къамаьл деш, Мехкдас Келматанаькъан Махьмуд-Iаьлас белгалдир, культурно-спортивни Iадаташта хьалха вай мохк латтар, доккхал де мегаргдолаш да аьнна. Теркал де деза, вай сборни 10 спортивни дисциплина юкъе дакъа лоацаш хургйолга: яй йола атлетика, канат дIа-хьа увзабар, армрестлинг, тIехкараш теха латар, еза хIамаш да-хьа кхахьар, еза хIамаш хьалъийяр, низацара двоеборье, Iадсаькхацара спорт, зIамига-футбол, шахматаш.
Фестивала юкъе дIахьоргья «Дуккхача къамаех латта Россе» яха, ерригача Россе къамий тоабай форум. ХIара регионо цига гойтаргья, шоаш хьаяь хIамаш, къаман тайп-тайпара даараш, театрализованни моттигаш — саг йоалаяр мишта дIахьош да, вай къаман къаьнара хIамаш дIахьокхаш бола гойтам. Селхан культурах йола министр, Льянанаькъан Залина, программа мишта кичъеш латт хьажа, яха хиннай.
![](/sites/deault/files/pubs-images/2022/09/04d561f6cc08b8bad9c3b38bf830b73a.jpg)