«Спартак» команда, хIанз диазлагIа Россе Кубок йоаккх. ХьалхагIа Заьлмаха яьккхар, цIе-кIайчарца ловзаш, Россе Суперкубок.

«Ингфутбол, ру» редакце яхачох, «Заьлмаха ше цхьанне, «Спартак», Кубка финале чуяьккхар.

Къаьстта вингеро, финала диълагIча даькъе ЦСКА духьала дIахьош хиннача турнире лоархIамегIа йола бургац чуяьккхар, красноярский «Енисея» духьала финала юкъера ловзар дIахьош, тешшаме котало яьккхар цо (3:0) чот йолаш, красноярций вороташка шоллагIа гол чуйоакхаш.

Цул тIехьагIа, Бакаев Заьлмаха, ше «Спартак» командера аравоалаш хилар а аьлар. Россе Кубок йоацаш а, клубаца цхьана, 2017 ча шера, мехка Суперкубок яьккхар цо. Ерригаш а цIе-кIайчаргахьа волаш цо дIайихьай 105 матчаш, 14 бургац чуяьккхай, ткъаь ийссаза, толам а бахьаш, цо бургац кхычунга дIа а кховдаяьй ловзаш волча юкъа.

«Спорт-экспресс» газета деннача хаттара жоп луш Бакаева аьлар: «Се мича вода ала таро яц са. Иштта хулаш да, кхы йIаьх ца е лаьрхIар контракт. Аз цхьаннеца баь барт бац. Из Росси хинна а Iац. ТIехьагIа ховргда шоана, деррига а.

Аз маца дIаваха лаьрхIади? Со кхыметтел хIанз а хьежаш ва, дехке даьннад тхо аларга. Сона хац, боккъала».

Хьалха доаккх, кIеззига хьалхагIа ховш хилар, ГIалгIайчера цхьаькха а футбола седкъа, Оздой Мухьмад, «Зенит» питерски клубера араваьнналга, из царца ловзаш вола пхи шу гаргга ха яр.