ГӀалгӀай къаман
юкъара газет

Бокъонах доацаш наркотикаш лелаяьчоа,10 шераи ялх беттаи набахта валла ха техай

В Ингушетии местный житель осужден к 10 годам 6 месяцам лишения свободы за незаконный оборот наркотиков, организованный группой лиц с использованием сети Интернет, информировали газету «Сердало» в надзорном ведомстве.

«ГIалгIай Республикан Илдарха-ГIалан районни судо уголовни гIулакх дIадоладаьд цу сага духьала, из бехке веш кхо бахьан да, бокъонах лелае йиш йоацаш йола наркотикаш лелаярца дувзаденна», — аьнна, белгалдир мехка прокуратуре.

Судо, ший болх дIахьоча юкъа, техкар; цу сага 20I9 шера денз вIашагIъеллача тоабаца, наркотикаш дIа-юха кхухьаш, Москве, Московски областе, ГIалгIайче болх баь хилар. Ший фусам-наьнаца цхьана цо, кIинга чу а ехкаш, боарамах юсташ, наркотикаш дIа-юха кхихьай, иштта цу гIулакха юкъеозаш хиннаб, из зулам доаржадара, уж дикагIа йохкара кхыбола нах.

Шоайла бувзам лелабеш хиннаб наркотикаш йохкараш а, иштта уж ийераш а интернете гIолла, шоайла гучабаргбоацаш. Ший кулгалхочунгара цунга хьакхаьчай 80 грамм героин, мехка доазон тIа цох белггала дола дакъа из дехка ваьнна хиннав.

Ше молхаш мичахьа Iояьхкай цо дIаоалаш хиннад, ший е ший гаргарча сага банка карта тIа ахча хьатIадаьлча, цхьаболча гаргарча наха ховш а хиннадац, малагIча тайпара из ахча цо доаккх.

2019 шера аьхки, наркотикаш йоаржаеш вар полице хьалаьцав, цунгара гуча а яьнна, хьаяьхай 60 грамм совгIа наркотикаш, уж маьхалъяха кхоаваь хиннавац из цу хана.

Хоамо яхачох, цун зIамига пхи бер хилар дIалаьрхIача, судо цунна итт шуи ялх бутти набахта валла ха техар. Саг тоавалара чIоагIа тIахьожам лоаттабеча набахта, из ха яккха езаш ва из.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде