ГIалгIайчен бахархой тIахьийхар ханнахьа лорашка чакхбалара
Для достижения целей Недели информированности о важности диспансеризации и профессиональных осмотров Республиканский центр общественного здоровья и медицинской профилактики осуществил в Ингушетии запланированную работу. Жителей Ингушетии призвали своевременно проходить медосмотр, информировали газету «Сердало» в лечебном ведомстве РИ.
Моттигера бахархой тIахьийхар, шоай ханнахьа лорашка чакхбалара, аьлар «Сердало» газетага ГIалгIай Республикан дарбанче.
«Хьалхашка латтача декхарашка хьежжа, нах могаш хилийтара, лазараш дIа-юха ца даржийтара, 2023 шера Россе унахцIенон Министерствос оттадаьд 23 денгара 29 денга кхаччалца «Лорашка чакхбала нах тIахьехаш дола кIира. Карарча деношка мехка бахархошта хьалхадоаккхаргда, уж декхараш кхоачашдар мел лоархIаме да», — аьлар унахцIенон болхлоша.
Лораша, шоай лоIамагIа нахá гIо дерашца цхьана, адам дукхагIа хулача моттиге дIадекъа, аьнна, лаьрххIа йоазув тIадола каьхаташ кийчдир. Иштта лекцеш йийшар Наьсарерча хьехархой колледже.
Лораша белгалду, диспансеризаци еш хилча, моллагIа лазар ший ханнахьа гучадаккха а цул тIехьагIа цунна дарба де а таро хул, яхаш. Иштта наха юкъе заIапхой кIезигагIа хилар, нах кIезигагIа бовр цох тийша да.
2022 шера диспансеризаци яь 111772 саг ва, из 91% я, шера е езача планага хьежача.
Мах боацаш, лорашка чакхбала йиш ярех ба хIара шера 18 шергара кхы а дукхагIа ха яьннараш, диспансеризаци е йиш йолаш ба шера цкъа (18 шергара 39 шерга кхаччалца ха яьннараш). Паспортаца, ОМС полисаца ше вахача, балха волча е деша вагIача моттиге лорашта тIаваха веза.
