Из хьал хIара дийнахьа хIана дац аьнна талхаш латташ да. ЦIагIа лоаттаю, стационарни оала телефонаш, наха дIаяьха дукха ха я, цунга хьежжа, наха тахан боккха хьовзам бу цу гIулакхо.

Эшача хана скорийи, полиции хьаеха йиш йоацаш бус бахархой. Саг цамогаш хилча, наьха дукха ха йов оарц хьакхаьча ца доалаш. Зязиков-Юртеи, кхоккхе Ачалкхенашки латта хьал геттара халадарех да. Цу гIулакха бехктокхаме болча нахага дехар ду, из гIулакх меттадоаладе яхаш.

«Шоана гIо эшаш а йоагIаргья ха. Цудухьа, нахагарча халонех дог лазаш, ма дарра из кхетадеш хила», — яхаш дехар ду сихача новкъостала болхлоша Инстаграмм оагIон тIа. «Таханарча дийнахьа мобильни бувзам ца хиларах унахошта новкъостал де йиш йоацаш дус тхо. Болх лерттIа дIабахьа вIаштIехьадалац.

Бехк ца баккхар дех оаха унахошка», — язду цар шоай оагIон тIа. Унахой пхезза дукхагIа болача хана из хьал латт. Малув укх гIулакха оарцагIа вала везар?!