Гӏалгӏайчен бахархой тӏахьех, Ерригроссийски яхье дакъа лаца
Гӏалгӏайче дакъа лоацаш хургья «Са мохк - са декхараш» яхача Ерригроссийски яхье. Дехараш хьаэцара болх дӏаболабеннаб. Из болх вӏашагӏбеллараш хьежаш ба, юкъарлон накъа а йоалаш, беррига мохк дегӏабоалабеш йола кийча проекташ юкъеяхарга, яхаш, дийцар «Сердало» газетага Гӏалгӏайчен Паччахьалкхене.
«Цига дакъа лаца бех дешархой, студенташ, къона ӏилманхой, говзанчаш, бизнес лелаю нах. Яхьа чудоагӏаш да 70 совгӏа дакъа; дешара, вахара оагӏонашкара дӏадоладенна волонтёрашца ювзаеннача проекташка кхаччалца. Дехар чудала йиш я заочни даькъ тӏа ардара бетта 1-ча денга кхаччалца», - аьлар тхоца къамаьл даьчо.
Яхьа чаккхе ергья Санкт-Петербурге, ардара бетта 28-ча денгара 30-ча денга кхаччалца. Проекташ гойтаргья ардара бетта 29-ча дийнахьа, хӏаьта лаьрххӏа йола кхетаче дӏахьоргья, совгӏат а луш, ардара бетта 30-ча дийнахьа. Из я «Россе моттигашкара, шахьарашкара хьал тоадар» яхача ХХӏV-ча Россе юкъарча кхетаченна чуйоагӏаш.
