Моттигера бахархой тӀахьийхар, альпинистий говзал Ӏомаяра
ГӀалгӀайчен бахархой тӀахьийхар, альпинизма даькъ тӀа керттера ха дезар Ӏомадара, цунна кулгал деш ба шоай болх дика бовзаш бола говзанчаш, яхаш, дийцар «Сердало» газетага мехка министрий кабинете.
«ГӀалгӀай Республикан спорта, туризма, альпинизма федерацен президента ГӀуденаькъан Беслана альпинизма даькъ тӀа керттера ха дезар Ӏомадара тӀахьех безам бараш. Цига дӀадодаш дола ахча цо шийна хьа тӀа эц. Кхыдола хоамаш довза йиш я укх телефонах +7(928) 799-39-39», - йоах хоамо.
Белгалдаккха дезаш да, ГӀалгӀай мехка, дукхача хана денз, лоархӀаш хиннад лоам тӀа валар. Дукха ха йоацаш, республике альпинизмах йола Россе чемпионат дӀайихьар, наха дика йовзаш йолча Каьзерча лагере.
Юха ца воалаш, ше лаьрхӀача лакхача лоам тӀа валар, цӀаккха дицлургдоацаш дола дег чура хьал да, саг мел вах а цунца дусаш. Цо саг чӀоагӀву дегӀа а хьаькъала а, цунна дикагӀа кайоал халонашта духьалъотта везача моттиге.
