Наьсарен бахархошка хоам бу РФ Президента хоржамаш дӀахьоргхиларах
19.02.2024 16:26
Карарча хана Наьсарен-Шахьаре болх дӀаболабир, цӀеннах чу а увтташ, нахага хоам беш, Российски Федераце Президент хоржаш хиларах лаьца, яхаш, дийцар «Сердало» газетага шахьара администраце зарбан болх лелабераша.
«2024 шера саькура бетта 17-ча дийнахьа денз тушола бетта 7-ча денга кхаччалца, Наьсарен-Шахьаре нах бахача цӀеношка чуувтташ, РФ Президент хоржаш хиларах хоам бергба даькъ тӀарча хоржамий комиссен доакъашхоша мобильни телефонашца а анкеташ язъярца а», - йоах хоамо.
Бахархошта хьалхадоаккх кхадж тассара болх тайп-тайпара дӀахьош хиларах, ха а моттиг а белгалъю, иштта хоржамех бола хоам тӀабола каьхаташ а лу наха.
