Гӏалгӏайчен бахархоша «Доккха этнографически диктант» язду
Гӏалгӏайче дӏаболабелар Xӏ-гӏа халкъашта юкъера «Доккха этнографе диктант» яха болам. Карарча шера из яздергда лайчилла бетта 3-ча денгара 12-ча денга кхаччалца, цига гуллургба берригача мехкара доакъашхой. Бахархошта кийчъяьй массехк моттиг, цига хӏара безам бар дакъа лаца йиш йолаш ва; исторех, культурах, Россе къамий ӏадатех шоашта ховр гойташ. Из болх дӏаболабелар Магасерча Барта Гӏалан фусаме, иштта Гӏалгӏай паччахьалкхен университете, «Кагирхой цхьанкхетарий Цӏа» яхача Кагирхой центре, Гӏалгӏайчен, Янданаькъан Жамалда цӏерагӏча Къаман библиотеке.
«Республике из дӏадихьар лайчилла бетта 9-ча денга кхаччалца, цу юкъе дакъа лоацаш хилар Магаса дешара Центра, Наьсарен №1 йолча юкъерча ишкола, Илдарха-Гӏалан №3 йолча юкъерча ишкола хьехархой, дешархой.
Карарча шера дӏахьош болча болама балха чудоагӏаш дар итт видеохаттар. Царех ахаш, Россе Герзашцарча Министерствос новкъостал деш, хьакхайкадир лаьрххӏача тӏема операце бӏухоша, юхедиса пхи хаттар - вай дукхача къамий мехка дахача халкъа викалаша», - аьлар «Сердало» газетага Гӏалгӏайчен Паччахьалкхено.
Хӏанз цхьайтталагӏа шу да цу проекта ший керттера исторически гӏулакх дӏахьош дола - цо вӏашагӏтох миллионаш бола нах, иштта чӏоагӏлу Российски Федераце дерригача халкъашта юкъера доттагӏал.
